.png)
2020 թվականի սեպտեմբերի 27–ին Ադրբեջանը պատերազմ սանձազերծեց Արցախի Հանրապետության դեմ։ Չնայած այն հանգամանքին, որ 2018 թվականին իշխանության եկած Նիկոլ Փաշինյանի քաղաքական հակառակորդները 2 տարի շարունակ զգուշացնում էին Արցախի հակամարտության կարգավորման հարցում իշխանության կողմից որդեգրած քաղաքականության վտանգավոր հետևանքների և պատերազմի վտանգի մասին, այնուամենայնիվ նրա ամենածայրահեղ ընդդիմախոսներն ու քննադատները պատերազմի մեկնարկից ի վեր որդեգրեցին ներքաղաքական համերաշխություն հաստատելու և իշխանությանն ամեն կերպ աջակցելու սկզբունքը, որը պահեցին մինչև պատերազմի ավարտ։ Ընդդիմադիրներն առաջնորդվում էին և իրենք էլ իրենց հերթին կոչ էին անում առաջնորդվել պատերազմի կանոններով, այն է՝ «տարածել բացառապես պաշտոնական տեղեկատվություն»։