Քիչ առաջ «Լուսավոր Հայաստան» կուսակցության նախագահ Էդմոն Մարուքյանի քվեարկությանը զուգահեռ հետաքրքիր դեպքի ականատես եղանք։ Մասնավորապես քվեախցիկից դուրս մի կին օգնելով տարիքով տղամարդու, քվեաթերթիկները դասավորեց այնպես, որ երրորդ համարի քվեաթերթիկը լինի ամենավերևը։ Նկատենք՝ սա բացքվեարկության օրինակ է՝ ինչը անթույլատրելի է։ Այդ կինը նրան օգնում էր նաեւ քվեախցիկի մոտ, սակայն եթե անգամ գրանցվել էր որպես օգնող, իրավունք չկար քվեաթերթիկն այդպես ակնհայտ ցուցադրեր քվեախցիկից դուրս։