Հայաստանում տեղի ունեցած «հեղափոխությունից» հետո իշխանության կողմից փորձ է արվում ներկայացնել երկիրը որպես ժողովրդավար պետություն, որի շրջանակներում, սակայն, պարբերաբար տեղի են ունենում ժողովրդավարական վարչակարգին հակասող ներքաղաքական գործընթացներ։ Հաշվի առնելով, այն որ պետության արտաքին քաղաքականությունը ներքին քաղաքականության շարունակությունն է` անհրաժեշտ է դառնում հասկանալ «հետհեղափոխական» Հայաստանում տեղի ունեցող ներքաղաքական գործընթացների տրամաբանությունը, որը նախ և առաջ բացատրվում է քաղաքական համակարգի միջոցով։