Հունվարի 25-ին կայացած կապանյան ասուլիսի ընթացքում ՀՀ վարչապետ Նիկոլ Փաշինյանը, պատասխանելով լրագրողի` «Ձեզ չի՞ մտահոգում այն փաստը, որ ՀՀ-ում կա պաշտոնյա, ով ստանում է բարձր աշխատավարձ, օգտվում է ծառայողական մեքենայից, սակայն աշխատանքի չի ներկայանում: Խոսքը ՍԴ դատավոր Վահե Գրիգորյանի մասին է, և խորհրդարանական երկրի խորհրդարանը նախաձեռնությամբ հանդես չի գալիս նրա լիազորությունները դադարեցնելու վերաբերյալ» հարցին, պատասխանել է. «Եթե էդպիսի երևույթ կա, իհարկե մտահոգում է, չի կարող չմտահոգել: Ես չգիտեմ, առաջին անգամ եմ լսում, ճիշտն ասած, էդպիսի բան և կհետաքրքրվեմ ավելի մանրամասն»: