Վերևներից իջեցված համապետական մաքրության օրակարգը գուցե ավելի լավ վերջաբան ունենար, եթե դրա մեկնարկը չտրվեր թարս ձեռնոցներով։ Մարտի 23-ին, ՀՀ տարածքային կառավարման և զարգացման նախարարության նախաձեռնությամբ` «Մաքուր Հայաստան» ծրագրի շրջանակում կազմակերպվել էր համապետական մաքրության օր (շաբաթօրյակ), որին մասնակցում էին ՀՀ վարչապետը, ՀՀ Ազգային ժողովի պատգամավորները, պետական և համայնքային ծառայողներ։